Ֆինլանդիայի նախագահ Սաուլի Նիինիստյոն զանգահարել է ՌԴ նախագահ Վլադիմիր Պուտինին և հայտնել, որ երկիրը մտադիր է առաջիկա մի քանի օրվա ընթացքում դիմել ՆԱՏՕ-ին անդամակցելու համար։ Այս մասին հայտնում է Ֆինլանդիայի նախագահի մամուլի ծառայությունը։
Զրույցի ընթացքում Նիինիստյոն բացատրել է, որ վերջին ամիսներին Ռուսաստանի գործողությունները բարձրացրել են Ֆինլանդիայի անհանգստությունը իր անվտանգության վերաբերյալ, ինչի կապակցությամբ որոշվել է սկսել դաշինքին միանալու ընթացակարգը։ Միաժամանակ, Ֆինլանդիայի նախագահը նշել է, որ իր երկիրը կշարունակի Ռուսաստանի հետ բարիդրացիական հարաբերություններ կառուցել «ճիշտ և պրոֆեսիոնալ կերպով»։
Պուտինը, ըստ Կրեմլի մամուլի ծառայության, զրույցի ընթացքում վստահություն է հայտնել, որ Ֆինլանդիայի անվտանգությանը սպառնացող վտանգներ չկան, և որ «ռազմական չեզոքության ավանդական քաղաքականությունից հրաժարվելը սխալ կլինի»։ Պուտինը զգուշացրել է Նիինիստյոյին, որ ՆԱՏՕ-ին անդամակցելը կարող է բացասաբար անդրադառնալ երկկողմ հարաբերությունների վրա։
7 Новостей изтой же категории
