7 Новостей изтой же категории
Հունիսի 20-ին ոստիկանության Աշտարակի բաժնի ծառայողներն ապօրինի պահվող ինքնաձիգ են հայտնաբերել։ Այս մասին տեղեկացնում է ՀՀ ոստիկանությունը։
Քրեական հետախույզները տեղեկություններ են ստացել, որ Արտաշավան գյուղի բնակիչներից մեկը տարիներ առաջ ապօրինի կերպով ինքնաձիգ է ձեռք բերել, որը պահվում է գոմի տանիքում։ Տեղեկությունների իսկությունը ստուգելուց հետո հարուցվել է քրեական գործ:
Արագածոտնի մարզի ընդհանուր իրավասության դատարանի որոշմամբ խուզարկություն է կատարվել նշված տանը և օժանդակ շինություններում: Գոմի տանիքում հայտնաբերվել է առանց գործարանային համարի «Կալաշնիկովի» ինքնաձիգ:
Հայտնաբերվածն առգրավվել է։ Հարուցված քրեական գործի նախաքննությունը շարունակվում է։
