Նա նշեց, որ դատարանի որոշումն անհիմն է, ինչի մասին դեռ առիթ կունենա խոսելու։ Հարցին, թե մամուլում գրվել էր՝ գործում ներգրավված են Արմավիրի մարզի ընդհանուր իրավասության դատարանի դատավորներ, նրանք ի՞նչ կարգավիճակ ունեն, փաստաբանը պատասխանեց. «Ես նման տեղեկատվության չեմ տիրապետում։ Համենայն դեպս, մեզ տրամադրած փատաթղթերում որեւէ ակնարկ դատավորների ներգրավված լինելու մասին չկա, եւ այս պահին չեմ կարող հերքել կամ հաստատել»։
Հիշեցնենք՝ օրերս ՀՀ գլխավոր դատախազությունը հայտնել էր, որ Երևան քաղաքի Շենգավիթ վարչական շրջանի դատախազի տեղակալ Կ․ Ն-ն, հանդիսանալով պաշտոնատար անձ, Արմավիրի մարզի առաջին ատյանի ընդհանուր իրավասության դատարանի վարույթում քննվող քրեական գործով ամբաստանյալ Ն․ Դ-ի նկատմամբ մեղմ պատիժ նշանակելուն պաշտոնեական դիրքն օգտագործելով նպաստելու համար Գ․ Գ-ի և Ն․ Ա-ի օժանդակությամբ և միջնորդությամբ Ն․ Դ-ից ստացել է առանձնապես խոշոր չափերով՝ 2 միլիոն 500 հազար դրամ կաշառք։ ՀՀ գլխավոր դատախազի պաշտոնակատարի 2022թ․ հունիսի 8-ի որոշմամբ՝ դեպքի առթիվ հարուցվել է քրեական գործ և նախաքննություն կատարելու համար ուղարկվել ՀՀ hակակոռուպցիոն կոմիտե: Առանձնապես խոշոր չափերով կաշառք ստանալու համար 10.06.2022 թ-ին Կ. Ն-ին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով:
Նշենք, որ Կորյուն Ներսիսյանը Գարեգին Բ-ի եղբորորդին է:
7 Новостей изтой же категории
