Երեկ Հայաստանում ԱՀ մշտական ներկայացուցչությունը և Հայկական բարեգործական ընդհանուր միությունը համատեղ կազմակերպել են մշտական ներկայացուցչության կողմից հրատարակվող «Արցախ ռևյու» ամսագրի շնորհանդեսը։
Նոր ամսագիրը կոչված է աշխարհին պատմելու Արցախի անցյալի, ներկայի ու ապագայի մասին, արդի իրողություններում՝ Արցախում ապրող մարդկանց կյանքի ու գործունեության, պատերազմից հետո վերածնվող ու պայքարող հայկական 2-րդ հանրապետության շուրջ զարգացող իրադարձությունների մասին։ Միջոցառմանը ելույթով հանդես է եկել Հայաստանում ԱՀ մշտական ներկայացուցիչ Սերգեյ Ղազարյանը, ով նաև նորընծա ամսագրի գաղափարի հեղինակն է։ «Արցախ ռևյու» ամսագիրը եռալեզու է: Թողարկվում է հայերեն, ռուսերեն, անգլերեն՝ առանձին հանդեսներով։
