Ի վերջո որտեղ է Նարեկ Գրիգորյանը: Վերադարձել է «Ուրարտու», թե վարձավճարով շարունակում է ներկայացնել «Յագելոնիան»: Բոլոր փաստերը խոսում են այն մասին, որ երիտասարդ ֆուտբոլիստը առնվազն լքել է լեհական ակումբը: Նրա անունը չկա «Յագելոնիայի» այն խաղացողների թվում, որոնք այս օրերին հավաք են անցկացնում՝ նախապատրաստվելով նոր մրցաշրջանին: Եթե ուշ էր միանալու թիմին, ապա այդ մասին անպայման կնշվեր, ինչպես օրինակ «Պոգոնն» էր արել Վահան Բիչախչյանի դեպքում: Transfermrkt-ից էլ տեղեկանում ենք, որ Գրիգորյանը կես տարով է տեղափոխվել Լեհաստան ու վարձակալության ժամկետը լրանում է վեց օրից: Ավելին, հարթակը պնդում է՝ Գրիգորյանը վերադարձել է «Ուրարտու»: Այս ֆոնին «Ուրարտուի» մամուլի ծառայությունից Football365.am-ին փոխանցում են հետեւյալը:
- Այս պահին Նարեկ Գրիգորյանը մեր ֆուտբոլիստն է, բայց վարձավճարով գտնվում է «Յագելոնիայում»,- փոխանցեցին «Ուրարտուի» մամուլի ծառայությունից:
Եթե ելնենք ժամկետից, որը նշված է Transfermarkt-ում, ապա ամեն ինչ այնպես է, ինչպես ասում են «Ուրարտուից», բայց մնացածի մասով առանց մեկնաբանության:
7 Новостей изтой же категории
