7 Новостей изтой же категории
BBC-ն բաց աղբյուրներով հաշվել է, որ պատերազմի ընթացքում, սկսած փետրվարի 24-ից, Ուկրաինայում քանդել են խորհրդային ժամանակների առնվազն 80 հուշարձան։
Ընդ որում, եթե 2014 թ․ Մայդանից հետո քանդվում էին Լենինի և կոմունիստական այլևայլ գործիչների հուշարձանները, ապա հիմա հերթը հասել է ռուսական մշակույթի գործիչներին՝ գրողներ Ալեքսանդր Պուշկինին և Մաքսիմ Գորկուն։
«Պուշկինը ոչ մի կապ չի ունեցել Տերնոպոլի հետ, ինչպես և ռուս գրողների, կոմոզիտորների ու մյուսների մեծ մասը։ Ռուսաստանի վայրագությունները տեսնելուց հետո Տերնոպոլում այլևս տեղ չունեն ռուս և խորհրդյին գործիչների հուշարձանները»,- հայտարարել է արևմտյան Ուկրաինայի այդ քաղաքի ղեկավարը, որտեղ ապրիլի սկզբին քանդել են Պուշկինի հուշարձանը։
BBC-ի հաշվարկների համաձայն՝ պատերազմի ընթացքում հանվել է Պուշկինի 10, Մաքսիմ Գորկու 6 , զորավար Սուվորովի, Ալեքսանդր Նևսկու մեկական հուշարձան։ Քանդված մյուս բոլոր հուշարձաններն այս կամ այն կերպ խորհրդային դարաշրջանի խորհրդանիշներն են համարվում։
Մյուս կողմից՝ ռուսաստանյան օկուպացիոն վարչակազմերը գրավված տարածքներում վերադարձնում են Լենինի հուշարձանները և բացում «Դրոշով տատիկի» հուշարձանը՝ խոհրդային դրոշ պարզած թոշակառուի, որը Խարկովի մարզում դուրս էր եկել դիմավորելու զինվորականներին։
Փոխանցում է BBC-ն։
