«Կտեր տալու» ու «ճիտին պարտքի» մասին ԲԴԽ նախագահի պաշտոնակատար Գագիկ Ջհանգիրյանի այսօրվա հարցազրույցը խայտառակ ձայնագրությունից ավելի խայտառակ էր։ Այս մասին ֆեյսբուքյան իր էջում գրել է ԱԺ «Հայաստան» խմբակցության պատգամավոր Ագնեսա Խամոյանը։
««Կտեր տալու» ու «ճիտին պարտքի» մասին Ջհանգիրյանի այսօրվա հարցազրույցը խայտառակ ձայնագրությունից ավելի խայտառակ էր, մարդ էլ օր ծերության այսպիսի վախճան արձանագրի։ Հրաժարականից առաջ Նիկոլը որոշել է մի հատ էլ ինքը ստորացնի տիկին Անդրեա Վիկտորինի սիրելի «բարեփոխիչ» Ջհանգիրյանին, Նիկոլը հո գիտի զրույցի մյուս դրվագները… Միակ խորհուրդը՝ շուտ գրի, գնա( չշփոթել կուտ տալու հետ)»,- գրել է Ագնեսա Խամոյանը։
Հիշեցնենք, որ Վարդազարյանը հունիսի 20-ին լրագրողների հետ հանդիպմանն աղմկահարույց ձայնագրություն է հրապարակել իր, Գագիկ Ջհանգիրյանի եւ ԲԴԽ անդամ Ստեփան Միքայելյանի՝ նախորդ տարվա փետրվարի 20-ին տեղի ունեցած զրույցից։ Ըստ այդ ձայնագրության՝ Ջհանգիրյանը «համոզում է» Վարդազարյանին՝ հրաժարական ներկայացնել։ Ջհանգիրյանը հորդորում է, որ հրաժարական տալու դիմաց Վարդազարյանի նկատմամբ հարուցված քրեական գործերը կարճվելու են, եւ նա մնալու է ԲԴԽ-ում որպես խորհրդի անդամ։
Այդ ձայնագրության առնչությամբ այսօր Գագիկ Ջհանգիրյանը Հանրային հեռուստաընկերությանը հարցազրույց է տվել։
Նա նշել է, թե ինքն իրեն լիազորել է Վարդազարյանից պահանջել՝ հրաժարական տալ. «Դրանք հոգեբանական հնարքներ են։ Կուտ եմ տվել, ժողովրդի լեզվով ասած։ Ես ո՞նց եմ հարուցել կամ կարճել տալիս այդ քրեական գործերը. իմ լիազորություններից դուրս բաներ են»։
«Ես Վարդազարյանին կուտ եմ տվել». Գագիկ Ջհանգիրյանի պարզաբանումը աղմկահարույց ձայնագրության մասին
7 Новостей изтой же категории
