Յայտարարութիւններ (24 Յունիս 2022) – Aztag Daily – Ազդակ Օրաթերթ (Armenian Daily Newspaper based in Lebanon)

ՄԻՒՌՈՆՕՐՀՆՈՒԹԵԱՆ
ՓՈԽԱԴՐԱԿԱՌՔԵՐՈՒ ՑՈՒՑԱԿ

ՆՍՕՏՏ Արամ Ա. վեհափառ հայրապետին օրհնութեամբ եւ ձեռամբ Անթիլիասի մայրավանքին մէջ տեղի ունենալիք սրբալոյս միւռոնի օրհնութեան հոգեպարար արարողութեան մասնակցելու համար 1 յուլիս 2022-ի երեկոյեան ժամը 6:00-ին մեր ուխտաւոր ժողովուրդին համար փոխադրամիջոցներ տրամադրուած պիտի ըլլան հետեւեալ վայրերուն դիմաց.

1.- Ֆանարի Ս. Երրորդութիւն եկեղեցի
2.- Ռաուտայի Ս. Ներսէս Շնորհալի մատուռ
3.- Պուրճ Համուտի Ազգային ծերանոց
4.- Պուրճ Համուտի Սրբոց Վարդանանց եկեղեցի
5.- Հաճնոյ Ս. Գէորգ եկեղեցի
6.- Հայաշէնի Ս. Յովհաննու Կարապետ եկեղեցի
7.- Ճիւնիի Ս. Յարութիւն եկեղեցի
8.- Ս. Ագնէս վարժարան
9.- Պուրճ Համուտի քաղաքապետարան

ԾԱՆՕԹ.- Կարեւորութեամբ կ՛ուզենք արձանագրել, որ փոխադրամիջոցները վերոյիշեալ ժամուն պիտի շարժին իրենց վայրերէն:

ԴԻՒԱՆ ԿԱԹՈՂԻԿՈՍԱՐԱՆԻ

—————————————

ԱԲԵՂԱՅԱԿԱՆ ԱՆԴՐԱՆԻԿ ՊԱՏԱՐԱԳ`
ՍՐԲՈՑ ՎԱՐԴԱՆԱՆՑ ԵԿԵՂԵՑՒՈՅ ՄԷՋ

Կիրակի, 26 յունիս 2022-ին, Նորաշէնի Սրբոց Վարդանանց եկեղեցւոյ մէջ իր անդրանիկ պատարագը պիտի մատուցէ եւ քարոզէ`

ՀՈԳՇ. Տ. ԱՌԱՔԵԼ ԱԲՂՅ. ԳԱՏԷՀՃԵԱՆ

Ժամերգութիւն`    ժամը 8:30-ին
Ս. պատարագ`   ժամը 9:30-ին
Քարոզ`               ժամը 10:30-ին

Կը հրաւիրենք հաւատացեալ ժողովուրդը` ներկայ գտնուելու սուրբ եւ անմահ պատարագին եւ լեցուելու օրուան խորհուրդով:

ԹԱՂԱԿԱՆ ԽՈՐՀՈՒՐԴ`
ՍՐԲՈՑ ՎԱՐԴԱՆԱՆՑ ԵԿԵՂԵՑՒՈՅ

—————————————

ԱՆԴՐԱՆԻԿ ՊԱՏԱՐԱԳ`
ՍՐԲՈՑ ՔԱՌԱՍՆԻՑ ՄԱՆԿԱՆՑ ԵԿԵՂԵՑՒՈՅ ՄԷՋ

Մեծի Տանն Կիլիկիոյ կաթողիկոսութեան դպրեվանքի աբեղաներէն

ՀՈԳԵՇՆՈՐՀ Տ. ԱԶԱՏ ԱԲՂՅ. ՖԻԼԻՔԵԱՆ

իր անդրանիկ պատարագը պիտի մատուցէ կիրակի, 26 յունիս 2022-ին, Նոր Մարաշի Սրբոց Քառասնից Մանկանց եկեղեցւոյ մէջ:

Սկիզբ ժամերգութեան` ժամը 8:00-ին
Ս. պատարագ` ժամը 9:30-ին

Կը հրաւիրենք հաւատացեալ ժողովուրդը` ներկայ գտնուելու սուրբ եւ անմահ պատարագին եւ հայր սուրբին քարոզին:

ՍՐԲՈՑ ՔԱՌԱՍՆԻՑ ՄԱՆԿԱՆՑ ԵԿԵՂԵՑՒՈՅ
ԹԱՂԱԿԱՆ ԽՈՐՀՈՒՐԴ