Մոսկվան և Մինսկը պետք է հրատապ միջոցներ ձեռնարկեն Միութենական պետության պաշտպանունակությունն ուժեղացնելու համար։ Նման կոչով է հանդես եկել ՌԴ պաշտպանության նախարար Սերգեյ Շոյգուն՝ Բելառուսի իր պաշտոնակից Վիկտոր Խրենինի հետ հանդիպման ժամանակ:
ՍՏԵՓԱՆԱԿԵՐՏ, 23 հունիսի, ԱՐՑԱԽՊՐԵՍ։ Tert.am-ի փոխանցմամբ, գրում է «Ինտերֆաքս»-ը։
Մոսկվայում կայացած հանդիպման ժամանակ ռուս նախարարն ընդգծել է, որ ներկա պայմաններում այդ հարցը գնալով ավելի արդիական է դառնում։
«Հանգամանքները թելադրում են հրատապ համատեղ միջոցներ ձեռնարկել Միութենական պետության պաշտպանունակության ամրապնդման, զորքերի (ուժերի) տարածաշրջանային խմբավորման մարտունակության և ՀՕՊ միասնական տարածաշրջանային համակարգի մարտունակության բարձրացման համար»,- ասել է Շոյգուն։
Նա վստահեցրել է, որ Ռուսաստանը պատրաստ է «բելառուս ընկերներին» ցուցաբերել ցանկացած աջակցություն այս խնդրի լուծման համար։
Փետրվարին Մոսկվան և Մինսկը Բելառուսի տարածքում համատեղ զորավարժություններ են անցկացրել։
7 Новостей изтой же категории
