Ուկրաինան կարող է օգոստոսի վերջին վերսկսել պատերազմի շուրջ Ռուսաստանի հետ բանակցությունները, «Ամերիկայի ձայնին» տված հարցազրույցում ասել է ուկրաինական բանակցային խմբի ղեկավար Դավիթ Արախամիան։
Արախամիան ընդգծել է, որ այժմ ուկրաինական կողմը չի դիտարկում բանակցությունները վերսկսելու հնարավորությունը։ Նրա խոսքով, դա կարող է տեղի ունենալ միայն «որոշ տեղերում Ուկրաինայի զինված ուժերի հակահարձակումից» հետո և պայմանով, որ ռազմաճակատում ուկրաինական դիրքերն ուժեղացվեն։
«Նվազագույն ընդունելի համաձայնությունը կլինի, եթե մենք նրանց դուրս հրավիրենք, կամ նրանք ինքնակամ նահանջեն այն դիրքերից, որտեղ գտնվում էինք մինչև փետրվարի 24-ը»,- ասել է ուկրաինական բանակցային խմբի ղեկավարը։
Մարտի 29-ին Ստամբուլում կայացել է Ռուսաստանի և Ուկրաինայի պատվիրակությունների վերջին դեմառդեմ հանդիպումը։ Ուկրաինայի և Ռուսաստանի միջև բանակցությունները դադարեցվել էին մայիսի կեսերին։
7 Новостей изтой же категории
