ՖԻՖԱ-ի նախագահ Ջիանին Ինֆանտինոն և ՈՒԵՖԱ-ի նախագահ Ալեքսանդր Չեֆերինը կայցելեն Հայաստան:
ՀՖՖ-ն հայտնում է, որ երկու կառույցների նախագահները կմասնակցեն Հայաստանի ֆուտբոլի ֆեդերացիայի 30-ամյակի հետ կապված հունիսի 15-ին և 16-ին նախատեսված միջոցառումներին։
Ֆեդերացիան մանրամասն տեղեկություններ չի հայտնում՝ տեղեկացնելով, որ սպասվող միջոցառումների մասին հավելյալ տեղեկություն կլինի։
Նշենք, որ հունիսի 15-ին Ծովագյուղում կայանալու է ցուցադրական հանդիպում, որին կմասնակցեն Ֆերնանդո Իերոն, Դևիդ Ջեյմսը, Կախա Քալաձեն, Լևան Կոբիաշվիլին, Յուրա Մովսիսյանը, Ռոման Բերեզովսկին, Յուրի Ջորկաեֆը, Էդգար Մանուչարյանը, Ռազմիկ Գրիգորյանը և այլոք: Հանդիպմանը կմասնակցեն նաև ՖԻՖԱ-ի նախագահ Ջիանի Ինֆանտինոն և ՈՒԵՖԱ-ի նախագահ Ալեքսանդր Չեֆերինը։
Հունիսի16-ին էլ սպասվում է Աբովյանի «Քաղաքային» մարզադաշտի վերաբացումը։
7 Новостей изтой же категории
