Տեղեկացնում ենք, որ ռուսական խաղաղապահ զորախմբի գործունեության արդյունավետության բարձրացման անհրաժեշտության և հետագայում հնարավոր խնդիրների առաջացման վերաբերյալ հայկական կողմի մտահոգությունները, ի թիվս այլ դեպքերի, դեռևս 2021 թվականի փետրվարին գրավոր կերպով փոխանցվել են ՌԴ բարձրագույն ղեկավարությանը։
Այս մասին նշվում է ՀՀ ԱԳՆ մամուլի քարտուղարի՝ ԶԼՄ-ների համար տարածված հայտարարության մեջ։
Armenia Today-ն ավելի վաղ հայտնել է, որ կառավարության նիստի ժամանակ վարչապետ Նիկոլ Փաշինյանը հայտարարել էր, որ խիստ անհրաժեշտ է դառնում ԼՂ-ում խաղաղապահ օպերացիայի մանրամասների ճշտումը։ Նա նշել էր, որ շփման գծի ցանկացած փորձ պետք է կասեցվի ՌԴ խաղաղապահ զորախմբի կողմից։
ՌԴ ԱԳ նախարար Սերգեյ Լավրովն իր հերթին հայտարարել է՝ Ռուսաստանը Լեռնային Ղարաբաղում խաղաղապահ առաքելության վերաբերյալ Հայաստանի վարչապետ Նիկոլ Փաշինյանից առաջարկներ դեռ չի ստացել։
7 Новостей изтой же категории
